MBANK коопсуздуктун жаңы функциясын ишке киргизди, ал аркылуу кардарлар өз аккаунттарына кирүүнү толук көзөмөлдөй алышат. Эми сиз башка түзмөктөрдөн MBANKка кирүүгө тыюу сала аласыз — логин жана сырсөз белгилүү болсо да, MBANKка башка телефон аркылуу кирүү мүмкүн болбойт. Бул функция ишке киргизилгенден кийин, колдонмодо расмий эскертүү пайда болот — ал белгисиз түзмөктөрдөн кирүүнү бөгөттөп, сиздин каражаттардын коопсуздугун жогорулатуу мүмкүнчүлүгүн сунуштайт. Функцияны кошкондон кийин эмне болот? Кирүү бир гана MBANK орнотулган негизги түзмөктөн гана мүмкүн. Логин жана сыр сөз алдамчыларга белгилүү болсо да — башка түзмөктөн кирүү бөгөттөлөт. Функцияны каалаган убакта колдонмонун жөндөөлөр бөлүмүнөн күйгүзүп же өчүрсө болот. “Башка түзмөктөн кирүүнү бөгөттөө” функциясын кантип ишке киргизсе болот?

1. MBANK колдонмосун ачыңыз
2. “Дагы” бөлүмүнө өтүңүз
3. “Жөндөөлөр” бөлүмүн тандаңыз
4. “Коопсуздук” бөлүмүнөн “Башка түзмөктөн кирүү” функциясын ишке киргизиңиз же бөгөттөңүз

Эгер жаңы телефон алсаңыз же түзмөгүңүз жоголсо: Эгер функцияны ишке киргизген болсоңуз жана сиз жаңы түзмөккө өтсөңүз же телефон жоголсо — 3333 номуруна чалып, байланыш - борборуна кайрылыңыз же жакынкы банк бөлүмүнө барып, жаңы түзмөктөн кирүү мүмкүнчүлүгүн калыбына келтириңиз. MBANK: Акчаңызды онлайн коргоонун үч жөнөкөй "болбойт" эрежеси Санариптик коопсуздук — бул татаал эмес, жөн гана сактык жана бир нече эрежени сактоо. Каражатыңыз коопсуздукта сакталуусу үчүн төмөндөгү үч “болбойт” эрежесин эсиңизге сактап алыңыз:

1. Болбойт — белгисиз адамдарга акча которууга. Алар канчалык ишенимдүү сүйлөсө дагы жана өздөрүн ким деп тааныштырбасын — сиздин мээнет менен тапкан акчаңыз өзүңүздө калышы керек.
2. Болбойт — сыр сөздөргө, SMS коддорго жана карта маалыматын бөлүшүүгө. Бул маалымат — сиздин каржыңыздын ачкычы. Эч качан, эч кимге бербеңиз.
3. Болбойт — шектүү шилтемелерге кирүүгө. Кайсы платформада болбосун, мессенджерлерде, жеке каттарда. Бир баскыч — жана шылуундарга эшик ачылып кетиши мүмкүн.

Эгер бир нерседен күмөн санап жатсаңыз — божомолдобоңуз. Дароо эле MBANKтын онлайн-чаты аркылуу же 3333 номуруна чалып байланышыңыз. Биздин адистер ар дайым жардам берүүгө даяр. Эң башкысы: MBANKтын чыныгы кызматкери сизден сыр сөз, логин, SMS коддорду сурабайт жана күмөндүү шилтемелерди жөнөтпөйт. MBANK сиздин коопсуздугуңузга кам көрөт! КР УБ №014 лицензиясы [gallery link="file" columns="1" size="full" jnewsslider="true" ids="282800,282801"]