Нарын милициясы сексуалдык мүнөздөгү аракеттерди жасоо фактысына шектүү жаранды кармашты. Бул тууралуу Нарын ОИИБден билдиришти.

28-августта Нарын ШИИБге жашы жете элек кызга карата сексуалдык мүнөздөгү аракеттерди жасоо фактысы катталган. Текшерүү иштеринин жүрүшүндө бул кылмышка Нарын шаарынын 1995-жылы туулган тургуну шектүү катары аныкталган.

Ал жашы жете элек кыз менен интернет аркылуу таанышып, 28-август күнү сексуалдык мүнөздөгү аракеттерди жасагандыгы такталган. Аталган факты боюнча 8-сентябрда Кылмыш жаза кодексинин 157-беренеси (Он алты жашка толо элек бала менен сексуалдык мүнөздөгү аракеттер) менен кылмыш иши козголуп, Нарын ШИИБдин кызматкерлери тарабынан кармалган.

Соттун чечими менен ага карата 4-ноябрга чейин камакка алуу түрүндөгү бөгөт чарасы тандалып, ТИЗО №24 мекемесине киргизилди.