Өмүрбек Асан уулу Дүйнө чемпионатында күмүш медаль тагынды
Кыргызстандык Өмүрбек Асан уулу Сербияда өткөн күрөш боюнча жаштар арасындагы Дүйнө чемпионатында экинчи орунду ээледи. 23 жашка чейинки спортчулар арасындагы бул турнир азыркы күндөрү Нови-Сад шаарында өтүп жатат.
Асан уулу эркин күрөш боюнча 61 килограммга чейинки салмак ченинде күч сынашты. Ал финалга чейинки атаандаштарын ири эсепте жеңген. Кытай балбанын 11:0, болгариялык балбанды 12:0, албаниялыкты 12:2 жана түрк балбанын 12:1 эсеби менен жеңген.
Алтын медаль үчүн чечүүчү беттеште анын атаандашы 19 жаштагы америкалык балбан Жэксон Патрик Форрест болду. Финалда америкалык балбан Өмүрбек Асан уулун 3 упай айрымачылыгы менен жеңип алды. Эсеп саны 14:17.
